Odiyan Official Teaser
Posted by Mohanlal on Friday, July 6, 2018
സൂപ്പര്‍സ്റ്റാര്‍ മോഹന്‍ലാലിന്റെ ഏറ്റവും പുതിയ ബിഗ്ബജറ്റ് ചിത്രം ഒടിയന്റെ മറ്റൊരു ഗംഭീര ടീസര്‍ കൂടി പുറത്ത്. ഒടിയന്‍ മാണിക്യനായി വേഷമിടുന്ന മോഹന്‍ലാലിന്റെ ശബ്ദത്തിന്റെ അകമ്പടിയോടെ പുറത്തുവന്ന ടീസറില്‍ ചിത്രത്തിന്റെ റിലീസിങ് തീയതിയും പുറത്തുവിട്ടു. വരുന്ന ഒക്ടോബര്‍ 11ന് കേരളത്തില്‍ വമ്പന്‍ റിലീസായി ഒടിയനെത്തും.
വി.എ ശ്രീകുമാര്‍ സംവിധാനം ചെയ്യുന്ന ചിത്രത്തില്‍ പ്രകാശ് രാജ്, സിദ്ദിഖ്, ബോളിവുഡ് താരം മനോജ് ജോഷി, മഞ്ജു വാര്യര്‍, നരെയ്ന്‍, കൈലാഷ്, സന്തോഷ് കീഴാറ്റൂര്‍ എന്നിവര്‍ പ്രധാന വേഷത്തിലെത്തുന്നു. വമ്പന്‍ മുടക്കുമുതലിലെത്തുന്ന ചിത്രം നിര്‍മിക്കുന്നത് ആശിര്‍വാദ് സിനിമാസിന്റെ ബാനറില്‍ ആന്‍റണി പെരുമ്പാവൂരാണ്.